අනුමත කරන ලද අයවැය ඇස්තමේන්තු මඟින් එම වර්ෂයට අදාළ අයවැය ඇස්තමේන්තුවල සවිස්තරාත්මක අනුඛණ්ඩනයක් ලබා දේ. සියළුම වැය ශීර්ෂ, කැබිනට් නොවන අමාත්‍යාංශ සහ කැබිනට් අමාත්‍යාංශවල යම් වර්ෂයක් සඳහා අදාළ වන ඇස්තමේන්තුගත වියදම් මෙම ලේඛනය මඟින් දැක්වේ. සාමාන්‍ය වියදම්, ඒකාබද්ධ අරමුදල මත වියදම් සහ අත්තිකාරම් ගිණුම ආශ්‍රිත වියදම්වලින් මෙය සමන්විත වේ. යම් වසරක් සඳහා ඇස්තමේන්තු කර ඇති බදු ආදායමද මෙම ලේඛනයේ ඉතා වැදගත් අංගයකි.
